職場文化各有不同，當中更暗藏不少潛規則。一名女網民於討論區發文指，首日上班遭同事邀請一同午膳，未料最後竟被一名資深同事要求她請客，更指「新入職同事請食飯」為基本禮貌，事件引起網民熱論。
該名女網民於「Dcard」討論區發文指，新工上班首日，稱「上司、同事都好nice」，以為轉換環境後能有更好的工作氣氛。當日午餐時，同事邀請一同食日本菜，樓主為融入公司及與同事建立良好關係，故立即答應，沒料卻因而「中伏」。
首日上班遭同事邀請一同午膳，未料最後竟被一名資深同事要求她請客
用餐後，席上一名資深同事突然表示，「喂，多謝喎」，樓主聞言心感奇怪，對方隨即指，「你請我哋食飯嘛，梗係要講多謝！」樓主立即反駁，「吓，但係我無講過我請喎」，未料對方竟說教指，「新入職同事請大家食飯，係職埸基本禮貌嚟！」、「你唔係唔知呀嘛？之前嘅公司無教你呢啲？」，隨即準備離席，「咁我哋出去等你呀！你埋完單再出嚟一齊行返公司呀」。
樓主表示，因得知該資深同事與老闆相熟，擔心首天上班被對方打小報告，故最終付款請客。她亦無奈嘆息，「請完之後第一日等於白做」，並向網民詢問，「新入職同事請食飯」到底屬理所當然，還是自己入世未深被對方欺騙。
帖文引起網民的熱論，大部分網民都認為，樓主被同事「蝦到上心口」，「一啲都唔正常！邊有基本禮貌要人請食飯」、「就係算請，都係前輩請新人啦，邊有規矩係新入嚟嘅請大嘅食飯」；亦有網民建議，「除非樓主識得應付，否則呢間公司都係早走早著㗎啦，今日要你請食飯，下次可能有鋪杰嘅請你食」。
資料來源：Dcard / 星島日報
Email: advertising@jobmarket.com.hk
Email: enquiry@jobmarket.com.hk
